Некаторыя СМІ не толькі павялічылі тыраж друкаванага выдання, але таксама выйшлі ў сацыяльныя сеткі. У якасці прыкладу Таццяна Хмель прывяла газету "Край Смалявіцкі", якая запусціла YouTube-канал і знайшла свайго гледача яшчэ і на гэтай пляцоўцы.
Усе раённыя газеты завялі акаўнты ў "Аднакласніках", большасць таксама адзначылася "Укантакце", Facebook, Instagram, YouTube і Twitter. Дзве газеты - салігорскі "Шахцёр" і "Жодзінскія навіны" - нават запусцілі каналы ў Telegram. Больш за палову (15 з 23 газет) вядуць беларускамоўную версію, 11 падтрымліваюць версію для слабавідушчых.
Агульны тыраж рэгіянальнай прэсы складае каля 146 тыс. асобнікаў. Аўдыторыя сайтаў і сацсетак - звыш 212 тыс.чалавек.
Абласны семінар праходзіць у Смалявіцкім раёне на базе Кітайска-беларускага індустрыяльнага парка "Вялікі камень". Удзел у ім прымаюць каля 120 чалавек з усяго рэгіёна.
Крыніца: minsk-region.gov.by