У бягучым годзе на заводзе ў Фаніпалі вырабяць 280 вагонаў - як гатовыя пасажырскія саставы, так і машынакамплекты. Гэта аднапавярховыя, двухпавярховыя паязды, вагоны трамваяў і метро. Прадукцыя пастаўляецца ў Венгрыю, Нарвегію, Германію, Люксембург, Іспанію, краіны Паўднёвай Амерыкі і інш. У наступным годзе першыя сабраныя ў Беларусі пераўтваральнікі для трамваяў плануецца накіраваць у Швейцарыю.
Асноўнымі заказчыкамі ў Беларусі выступаюць БЧ і Мінскі метрапалітэн. Таксама прадпрыемства разлічвае прыняць удзел у тэндары "Мінсктранса" на пастаўку тэхнікі.
"План на 2020 год - амаль 400 вагонаў. Гэта дадатковыя 30 працэнтаў магутнасці", - адзначыў Філіп Брунер.
На пасяджэнні беларуска-швейцарскага дзелавога савета "Штадлер Мінск" дзеліцца вопытам работы ў Беларусі і гатовы бліжэй пазнаёміць швейцарскіх бізнесменаў з магчымасцямі інвесціравання.
Завод "Штадлер Мінск" быў афіцыйна адкрыты 20 лістапада 2014 года. Прадпрыемства ўваходзіць у склад швейцарскай кампаніі "Штадлер Рэйл Груп", якая ўжо больш за 75 гадоў з'яўляецца адным з вядучых еўрапейскіх вытворцаў чыгуначнага рухомага саставу. "Штадлер Рэйл Груп" мае таксама філіялы ў Аўстрыі, Аўстраліі, Алжыры, Вялікабрытаніі, Швейцарыі, Германіі, Нідэрландах, Венгрыі, Польшчы, Чэхіі, Італіі і ЗША.
Беларуска-швейцарскі дзелавы савет створаны ў 2013 годзе. Ён прызначаны садзейнічаць актывізацыі двухбаковых знешнеэканамічных сувязей, умацаванню і паглыбленню супрацоўніцтва паміж кампаніямі ў галіне гандлю і інвестыцый, выяўленні і пераадоленні бар'ераў у гандлі і інш.
Крыніца: minsk-region.gov.by
