За гэты час у раёне інспектарамі Капыльскай энергагазінспекцыі былі абследаваны домаўладання жыхароў некаторых населеных пунктаў раёна. Галоўным прадметам праверкі стала адпаведнасць стану электраабсталявання жылых памяшканняў умовам бяспекі. Асаблівая ўвага надавалася праводцы ў дамах, а таксама адсутнасці умоў, якія могуць спрыяць ўзнікненню пажаранебяспечных сітуацый.
Важным момантам маніторынгу сталі гутаркі па выкананні элементарных правілаў электрабяспекі з уручэннем памятак і пісьмовых рэкамендацый па ліквідацыі выяўленых парушэнняў. Кожны домаўладальнік змог задаць цікавячае пытанне па выкарыстанні лічыльнікаў электраэнергіі, аб парадку ўстаноўкі праводкі ў жылых памяшканнях.
Як адзначылі інспектары энергагазінспекцыі Сяргей Чылек і Дзмітрый Жулкоўскі, большасць грамадзян з разуменнем ставяцца да пастаўленых патрабаванняў, бо гэтыя правілы - аснова камфортнага і бяспечнага жыцця людзей. Па словах спецыялістаў, многія прыслухоўваюцца да парад і ліквідуюць праблемы, не зацягваючы на доўгі час.