«Дэлегатам» ад групы капылян выступіла мясцовая жыхарка Алена Скрыган. Адно з паднятых ёю на прыёме пытанняў — добраўпарадкаванне міні-рынку ў г. Капылі. Так, у 2018 годзе для продажу прадукцыі ўласнай вытворчасці фізічнымі асобамі ў цэнтры горада каля будынка Капыльскага РКБА была заасфальтавана і абгароджана пляцоўка. Нараканні з боку заяўніцы выклікаў той факт, што гандлёвыя месцы тут не абсталяваны (не лічачы нанесенай разметкі на асфальце і слыннай нумарацыі). Прадаўцам, сярод якіх нямала пажылых людзей, прысесці няма куды, даху таксама няма. Панаракала жанчына і на невялікі памер пляцоўкі, адведзенай пад новы рынак. Аднак, як запэўнілі Алену Мікалаеўну, вырабленыя раней замеры участкаў сведчаць аб тым, што новы міні-рынак займае плошчу нават большую, чым на ранейшым месцы.
Сяргей Пілішчык гутарыць з Аленай Скрыганавай
Акцэнтавала ўвагу заяўніца і на тым, што ўчастак на месцы былога міні-рынку, да якога ўсе за многія гады яго існавання вельмі прывыклі, да гэтага часу пустуе. Таму Алена Мікалаеўна прасіла выправіць становішча спраў - аж да вяртання рынку на яго «гістарычную радзіму». Аднак задаволіць гэтую просьбу ўлады наўрад ці палічаць патрэбным. Бо ў свой час рашэнне аб зносе аб'екта было прынята небеспадстаўна. А вось у тым, што новае месца неабходна, што называецца, давесці да розуму, сумневаў няма. Вынікам салідарнасці Сяргея Пілішчыка з заяўніцай у гэтай частцы пытання стаў кірунак даручэння аб абсталяванні пляцоўкі пад міні-рынак старшыні праўлення Капыльскага райпо Віктару Смусенку.
Яшчэ адна набалелая праблема, з якой Алена Мікалаеўна звярнулася да кіраўніка раёна, — неабходнасць рамонту тратуара па вул.Пралетарскай ў г. Капылі, а таксама ўладкавання пешаходнай дарожкі з боку сярэдняй школы № 2 па той жа вуліцы. Як патлумачыла Алена Мікалаеўна, праблема гэта не новая і ўжо не першы год прыносіць нямала нязручнасцяў пешаходам. Асаблівае хваляванне выклікаюць ідучыя у школу дзеці, перасоўваючыяся з дапамогай апор-трысьцін старыя, а таксама бацькі з малымі ў вазках. Па прычыне прыйшоўшага у непрыдатнасць пакрыцця альбо зусім яго адсутнасці ўсе яны пры руху па гэтым участку вымушаныя выходзіць на праезную частку дарогі, а так і да бяды недалёка. Неаднаразовыя ж звароты неабыякавых капылян у адпаведныя інстанцыі выніку не далі.
Як запэўніў прысутны ў зале дырэктар Капыльскага ЖКГ Дзмітрый Дарафей, праект па капітальным рамонце вул Пралетарскай ёсць. Справа за фінансаваннем, і цана пытання вялікая. Аднак Сяргей Пілішчык цвёрда мае намер паставіць кропку ў «гісторыі хваробы» тратуара па вул. Пралетарскай. І калі капітальны рамонт ўчастка для раённага бюджэту непасільны, то ў любым выпадку неабходна знайсці кампраміс. Пры гэтым вырашаць праблему трэба па-гаспадарску — больш рацыянальна і з меншымі ўкладаннямі. Падагульняючы абмеркаванне пытання, было вырашана ў бліжэйшы час выехаць да праблемнага ўчастку для вывучэння сітуацыі на месцы, каб пасля распрацаваць канкрэтныя меры па ліквідацыі нязручнасцяў.
Словам, даручэнні кіраўніком раёна дадзены, а агучаныя падчас прыёму праблемы будуць знаходзіцца на кантролі аж да іх вырашэння.
Аксана Міхайлоўская
«СП» http://www.kopyl.by
