Па словах начальніка Капыльскага ўчастка паштовай сувязі Слуцкага РУПС Мінскага філіяла РУП «Белпошта» Ігара Бурака, цяпер пажылыя людзі і асобы з хранічнымі захворваннямі могуць па тэлефоне звярнуцца ў абслугоўваючае аддзяленне паштовай сувязі для арганізацыі выплаты пенсіі (дапамогі) паштальёнам дома. Акрамя таго, заяўку можна падаць і праз кантакт-цэнтр РУП «Белпошта» па нумары 154. Адначасова з выплатай пенсій і дапамог дома можна ажыццявіць аплату камунальных плацяжоў, адпраўку паштовых адпраўленняў і выпіску друкаваных сродкаў масавай інфармацыі.
Таццяна БОХАН
