- Увосень напярэдадні пачатку ўздыму захворвання на грып мы часта задумваемся пра тое, як абараніць сябе і сваіх блізкіх ад гэтай інфекцыі: п'ем вітаміны, дбайней выконваем правілы асабістай гігіены, загартоўваемся. Але да гэтых прафілактычных мерах неабходна дадаць галоўны кампанент - вакцынацыю. Бо менавіта прышчэпка ад грыпу з'яўляецца самай надзейнай абаронай ад гэтага віруса.
- Шматлікія адмаўляюцца ставіць прышчэпку ад грыпу, лічачы, што вакцына можа нанесці шкоду здароўю...
- Гэта міф. На самай справе прышчэпка няшкодная і не выклікае ўскладненняў. У крайнім выпадку можа праявіцца пачырваненне на скуры ў месцы ўколу, якое праходзіць праз 2-3 днi, ці невялікае павышэнне тэмпературы.
- Некаторыя лічаць, што кожны сезон праходзіць імунізацыю неабавязкова, так як працягваецца дзеянне мінулагодняй прышчэпкі. Маюць рацыю яны?
- На самай справе прышчапляцца трэба штогод. І абгрунтавана гэта двума прычынамі. Па-першае, склад вакцыны змяняецца ў залежнасці ад штаму віруса. Па-другое, імунітэт ад грыпу выпрацоўваецца на тэрмін ад некалькіх месяцаў да года. Да таго ж чым больш прышчэпленых - а значыць абароненых ад грыпу - тым ніжэй верагоднасць заносу і распаўсюджвання віруса ў калектыве.
- Калі трэба праходзіць вакцынацыю супраць грыпу?
- Лепш за ўсё гэта рабіць у верасні-кастрычніку, калі эпідэмія яшчэ не пачалася і ёсць магчымасць, што называецца, спрацаваць на апярэджанне. Імунітэт выпрацуецца прыкладна за 2 тыдні, і своечасовая вакцынацыя знізіць верагоднасць захварэць на грып у некалькі разоў, а ў выпадку заражэння змякчыць плынь хваробы, скароціць яе працягласць і прадухіліць ўскладненні.
- Якія асаблівасці цяперашняй кампаніі па вакцынацыі?
- У будучым эпідэмічным сезоне людзям пагражае мікс інфекцый - і грыпу, і COVID-19, бо не выключана верагоднасць узнікнення другой хвалі каранавiруса. Таму мінімалізаваць рызыка заражэння грыпам важна як ніколі - гэта дазволіць пазбегнуць двайной інфекцыі, а адпаведна і ўзнікнення сур'ёзных ускладненняў.
- Якімі вакцынамі можна прышчапіцца ў Капыльскай ЦРБ?
- У цяперашні час у нашай установе аховы здароўя праводзіцца вакцынацыя прэпаратам «Грыпол» расійскай вытворчасці. Да канца месяца чакаецца паступленне і іншых імпартных вакцын.
- За чый кошт праводзіцца вакцынацыя?
- Асобныя катэгорыі грамадзян прышчапляюцца за кошт рэспубліканскага бюджэту. Перш за ўсё, гэта «група высокай рызыкі наступстваў захворванняў на грып»: дзеці ад 6 месяцаў да 3-х гадоў, дзеці з 3-х гадоў і дарослыя з хранічнымі захворваннямі, якія стаяць на дыспансерным уліку, асобы з імунасупрэсіяй (прыгнечаным імунітэтам), асобы, старэйшыя за 65 гадоў, цяжарныя жанчыны, а таксама «група высокай рызыкі заражэння грыпам», куды ўваходзяць медработнікі, дзеці і дарослыя з устаноў з кругласутачным знаходжаннем. За кошт сродкаў мясцовага бюджэту прышчапляюцца: дзеці, якія наведваюць арганізаваныя калектывы, студэнты, работнікі ўстаноў адукацыі, жыццёва важных службаў і транспарту, асобы, якія знаходзяцца ў кантакце з пацыентамі з хранічнай паталогіяй і якія знаходзяцца ў кантакце з дзецьмі да 6 мес.
- Ці існуюць супрацьпаказанні для вакцынацыі?
- Імунізацыю грыпознымі вакцынамі нельга праводзіць у выпадку наяўнасці алергічнай рэакцыі на курыны бялок, рэакцыі на папярэдняе ўвядзенне вакцыны, імунадэфіцытных станаў, наватвораў.
- Куды трэба звярнуцца для таго, каб зрабіць прышчэпку?
- Перад правядзеннем вакцынацыі ў абавязковым парадку праводзіцца папярэдні агляд у лекара. Таму ў першую чаргу варта наведаць альбо кабінет прафілактыкі ў паліклініцы раённай бальніцы, альбо ўрача агульнай практыкі па месцы жыхарства.
Гутарыла Аксана МІХАЙЛОЎСКАЯ
«СП»
