Кіраўнікам устаноў, прадпрыемстваў і арганізацый горада і раёна, старшыням сельскіх выканаўчых камітэтаў згодна з распараджэннем старшыні райвыканкама даручана арганізаваць і правесці ў рамках месячнікаў 2, 10, 17, 24 красавіка і 2, 9, 16, 23, 30 кастрычніка мерапрыемствы з максімальным удзелам работнікаў і насельніцтва, вызначыўшы неабходныя аб'ёмы выканання работ, працоўныя і матэрыяльныя рэсурсы.
Капыльскаму вопытнаму лясгасу, філіялу КУП «Мiнскаблдарбуд» – «ДРБУ № 124», філіяла РУП «Мінскаўтадар-Цэнтр» – «ДЭУ № 65», філіяла РУП «Мінскаўтадар-Цэнтр» — «ДЭУ № 64», Баранавіцкай дыстанцыі ахоўных лесанасаджэнняў УП «Баранавіцкае аддзяленне Беларускай чыгункі» неабходна правесці работу па ліквідацыі несанкцыянаваных звалак на землях ляснога фонду і ў кантралюемых зонах дарог, забяспечыўшы рэгулярную ўборку і вываз цвёрдых камунальных адходаў, а таксама ветравальных і сухастойных дрэў.
Пастаўлена задача перад КУП «Капыльская ЖКГ» правесці падбуртоўку смецця на палігоне цвёрдых камунальных адходаў г. Капыля і міні-палігонах раёна, арганізаваць вываз смецця ў горадзе і аграгарадках раёна.
Аддзелу ідэалагічнай работы, культуры і па справах моладзі райвыканкама, ДУ «Рэдакцыя газеты «Слава працы» і праграмы радыёвяшчання «Раніца Капільшчыны» неабходна забяспечыць асвятленне ў сродках масавай інфармацыі ходу правядзення месячнікаў і іх вынікаў.
Наш кар.
Крыніца http://www.kopyl.by