Таццяна Чуес з ранняга дзяцінства аддавала перавагу рухавым гульням. А ўпершыню занялася джампінгам яшчэ ў 4 гады - праўда, замест батута выкарыстоўвала спружынны ложак дома. "Так на ім скакала, што аднойчы "катапультавалася" і ледзь не пашкодзіла вока", - успамінае з усмешкай фітнес-трэнер па джампінгу і прызнае, што тады і ёй, і бацькам было не да смеху.
Таццяна яшчэ ў школе пачала прафесійна займацца лёгкай атлетыкай. Паступова спорт стаў для школьніцы сэнсам жыцця, таму, калі паўстала пытанне, у якую ВНУ паступаць, выбрала Акадэмію фізічнага выхавання і спорту. Таленавітую студэнтку адабралі ў зборную па лёгкай атлетыцы Рэспублікі Беларусь. Пазней Таццяна прайшла адбор на чэмпіянат Еўропы і нават пачала да яго рыхтавацца, але так туды і не трапіла: з-за траўмы спорт давялося пакінуць. Пасля заканчэння акадэміі яна вярнулася ў Вілейку, давялося вырашыць, чым займацца. "Хацелася буйных і цікавых праектаў, чагосьці вялікага, - успамінае яна. - У Вілейцы я ўладкавалася трэнерам у дзіцячую школу, але ў душы разумела, што гэта не маё. Таму паралельна вучылася на курсах па пілатэсе, ёзе, танцы на пілоне і шмат іншаму. Алё ўсе гэта было не тое".
"Тое" Таццяна знашла зусім выпадкова: убачыла ў інтэрнэце відэа з заняткамі па джампінгу. Вырашыла, што абавязкова трэба паспрабаваць. "Я першы раз стала на батут і адразу зразумела: вось яно!" - расказвае гераіня.
Пачынаючы бізнес, яна закупіла ўсяго шэсць батутаў. Былі сумненні: ці знойдуцца нават на такую невялікую колькасць жадаючыя займацца. Яны знайшліся. "Кожнаму, хто прыйшоў на трэніроўку, гавару: "Вы зможаце". І ў іх усё атрымліваецца. Сярод тых, хто наведваюць заняткі, нямала жанчын ва ўзросце, якія скачуць у разы лепш, чым маладыя. У нас ужо ёсць каманда, якая адтачыла выступленні да ідэалу", - адзначае трэнер.
Таццяна Чуес - чарговая гераіня праекта "Беларусы ў кадры". Карэспандэнты адправіліся да яе ў госці ў Вілейку, каб зразумець, колькі часу можа пайсці на тое, каб дакладна вызначыцца са сваім прызваннем, навошта жанчыны ў сталым узросце прыходзяць танцаваць на батутах і чаму сваіх кліентаў і дзяцей вучыць трэнер з жалезным характарам.
Крыніца: minsk-region.gov.by