21 лютага 2015 года а 16 гадзіне ў Зале выстаў імя Н.Ю.Сілівановіча Вілейскага краязнаўчага музея адбудзецца адкрыццё выстаўкі маладога мастака Андрэя Маркевіча “Юнацтва”, што ладзіцца ў рамках праекта “ART-Vileyka. Творчы шлях”. Праект “ART- Vileyka. Творчы шлях” пачаў рэалізоўвацца ў 2013 годзе ў рамках серыі выставак пачынаючых творцаў у галіне сучаснага мастацтва – жывапісу, дызайну, фотамастацтва, перфоманса і інш. Выставачная зала Вілейскага музея стала адпраўной пляцоўкай для творчай моладзі, якая робіць першыя крокі ў мастацтве. Андрэй Маркевіч прадстаўляе выстаўку графікі і жывапісу “Юнацтва”. Нарадзіўся мастак у 1994 годзе ў Вілейцы, скончыў Мінскі дзяржаўны архітэктурна-будаўнічы каледж у 2014 г. І хаця, спецыяльнасць Андрэя далёка ад мастацтва, але ж увесь свой вольны час ён прысвячае менавіта мастацтву. З 2009 года наведвае студыю мастака Эдуарда Уладзіміравіча Мацюшонка. Займаецца графікай, жывапісам, анімацыяй. Сярод захапленняў маладога творцы і стварэнне відэастужак - ён прымаў удзел у некалькіх здымках караткаметражных фільмаў. Чакаем усіх жадаючых. Выстаўка будзе працаваць з 21 лютага па адрасу г. Вілейка пл. Свабоды, 1. З 9.00 да 17.00 Штодзенна, акрамя панядзелка.
Источник: minsk-region.gov.by
