«Сталі вядомы вынікі цэнтралізаванага тэсціравання па замежнай мове. На 100 балаў іспыт напісалі 140 абітурыентаў, 117 з іх — па англійскай мове, 12 — па нямецкай, 8 — па французскай, 1 — па іспанскай, а таксама ўпершыню 2 — па кітайскай мове», — расказаў дырэктар Рэспубліканскага інстытута кантролю ведаў Юрый Міксюк.
Адной з тых, хто паказаў найлепшыя веды па англійскай мове, стала пухавіччанка, выпускніца Рудзенскай СШ Яна Храмая. На раённым выпускным балі дзяўчыну ўжо віншавалі з двума стабальнымі рэкордамі: па рускай мове і грамадазнаўстве. Яна — адзіная ў раёне, хто атрымаў два стабальныя сертыфікаты. І не спынілася на гэтым. Трэці экзамен таксама здала на выдатна. І яшчэ раз даказала, што чалавек многае можа, калі паставіць мэту і будзе працаваць.
Цяпер у Яны з улікам атэстата ў скарбонцы 398 балаў! Амаль максімальна магчымы рэзультат. Таму дзверы ўсіх устаноў адукацыі адкрыты перад таленавітай пухавіччанкай.
Асноўны этап цэнтралізаванага тэсціравання завершаны. І ўвогуле на ЦТ у гэтым годзе зарэгістравана ўжо 344 стабальныя вынікі.
Источник: minsk-region.gov.by
