Канцэрт народных калектываў Капыльскай дзіцячай школы мастацтваў “Капыльскія дудары” і “Капыляне”
Так склалася, што народны аркестр народных інструментаў «Капыльскія дудары» стаў візітнай карткай Капыля. Калектыў існуе на Капыльшчыне ўжо больш за 50 гадоў. На працягу яго творчага шляху змяняўся інструментальны склад народнага аркестра, яго кіраўнікі, але нязменным заставалася i застаецца прапаганда беларускай нацыянальнай музычнай культуры i беларускіх народных духавых інструментаў. Самабытнасць i непаўторнасць гэтага калектыву ўвесь час вабіла знакамітых беларускіх кампазітараў, якія менавіта для яго складалі свае творы.
Разам з «Капыльскімі дударамі» у Капыльскай дзіцячай школе мастацтваў працуе малады, але ўжо вельмі вядомы калектыў, народны ансамбль народнай музыкi «Капыляне.Гэтыя калектывы ведаюць далёка за межамі Капыльшчыны i нават краіны. Неаднаразова высокакампетэнтнае журы адзначала рознымі ўзнагародамі высокі выканальніцкі ўзровень гэтых калектываў на розных абласных, рэспубліканскіх i міжнародных конкурсах i фестывалях.
2009 год у нашай краіне аб’яўлены Годам роднай зямлі. А наш родны Капыль адзначае свае 735-годдзе. Гэтай падзеі «Капыльскія дудары» i «Капыляне» прысвячаюць свой канцэрт «У роднай старонцы» i запрашаюць ycix жадаючых 22 мая ў 18 гадзін у залу РЦК.
Білеты можна набыць у каб. №13 Капыльскай ДШМ
Источник: minsk-region.gov.by
