25 лістапада, Капыль /Уласн. iнф./У раене паспяхова ўкараняецца інвестпраект СТАА “БетонБокс”, тэрмін рэалізацыі якога — 2010-2014 гады, сума плануемых інвестыцый – 4,5 млн еўра.Сумеснае таварыства з абмежаванай адказнасцю “БетонБокс” разлічана на вытворчасць малочнатаварных фермаў, лагістычных цэнтраў, сховішчаў для агародніны, гіпер-, супермаркетаў. На наступны год плануецца ўвесці ў строй цэх па будаўніцтве жылля. На дадзены перыяд на прадпрыемстве створана 107 працоўных месцаў. Але ў хуткім часе плануецца, што на вытворчасці будзе працаваць больш за 200 чалавек. Прадукцыя “БетонБокса” запатрабавана ўжо цяпер, частка яе сертыфікавана, частка праходзіць сертыфікацыю. Ужо працуе новы сучасны бетона-змешвальны вузел, прадукцыйнасць якога складае 85 м3 бетону ў дзень, склад інертных матэрыялаў. Адначасова на прадпрыемстве ідзе рамонт, мадэрнізацыя і будаўніцтва новых карпусоў, добраўпарадкаванне тэрыторыі. У перспектыве фірма «БетонБокс» будзе не толькі выпускаць жалезабетонныя канструкцыі для будаўніцтва жывёлагадоўчых памяшканняў і іншых збудаванняў, але і весці іх мантаж. Магутнасці завода дазваляюць закрыць патрэбнасці ў такіх вырабах усёй рэспублікі.
