20 студзеня, Капыль /Уласн. iнф./ Валавы надой малака за дзень у гаспадарках раёна складае 226 т 916 кг, што на 22 т 388 кг больш, чым летась. Надой ад адной каровы – 11 кг 680 г, што на 960 г перавышае мінулагодні паказчык. Больш за ўсіх – 14 кг 300 г – дояць у ААТ “Піянер-Агра” і “Ціміразеўскі”. Пад будучы ўраджай у сельгаспрадпрыемствах раёна нарыхтавана 553 888 т арганічных угнаенняў (85% да задання), вывезена – 409 340 т (63%), унесена пад яравую сяўбу – 244 709 т (60%). Калійных угнаенняў унесена 1717,6 т дзеючага рэчыва на 13 340 га. Чарговы семінар-вучоба прайшоў для кіраўнікоў, галоўных заатэхнікаў і ветурачоў сельгаспрадпрыемстваў.
Кансультант завода “Экамол” Уладзімір Пераднёў расказаў аб залежнасці стану здароўя жывёлы ад кармлення, спыніўся на ролі кармавых дабавак, разгледзеў балансіроўку рацыёнаў для розных груп жывёлы.