25студзеня, Капыль /Уласн. iнф./У занальнай абласной спартакіядзе дапрызыўнай і прызыўной моладзі па зімовым мнагаборстве комплексу “Абаронца Айчыны” каманда Капыльскага раёна заваявала пуцёўку ў фінал спаборніцтваў, апярэдзіўшы пяць юнацкіх дружын суседніх раёнаў у агульнакамандным заліку. Стральба з пнеўматычнай вінтоўкі не прынесла жаданых вынікаў, і капыляне набралі толькі другую суму ачкоў (149), прапусціўшы ўперад уздзенскіх спартсменаў (169). Прыкладна па такім жа сцэнарыі прайшло падцягванне. Тут нашы юнакі былі другімі, саступіўшы сапернікам з Дзяржынскага раёна. Заключным відам праграмы стала лыжная гонка. Капыляне нядрэнна вытрымалі гэты экзамен, але ў выніку саступілі нясвіжскім лыжнікам 19 ачкоў. Тым не менш, дзякуючы роўнаму выступленню ва ўсёй праграме спаборніцтваў капыльскі квінтэт у складзе Антона Смольскага, Кірыла Рудэнкі, Андрэя Фурыка, Вадзіма Федаровіча і Міхаіла Дворака набраў найбольшую суму ачкоў у трох відах. Наперадзе ў капылян – фінал вобласці, які пройдзе 2–3 лютага ў г. Барысаве.
