01 лютага, Капыль /Уласн. iнф./Па выніках работы за 2011 год калектыў інспекцыі Міністэрства па падатках і зборах Рэспублікі Беларусь па Капыльскім раёне заняў І месца ў конкурсе сярод падатковых інспекцый Мінскай вобласці ІІ групы і ўзнагароджаны Ганаровай граматай абласной інспекцыі і камп’ютарам. Па выніках 2010 года капыляне былі трэцімі ў вобласці. Пры падвядзенні вынікаў былі выкананы асноўныя крытэрыі. Капыльскай падатковай інспекцыі летась удалося забяспечыць кантроль за поўнай і своечасовай уплатай бягучых плацяжоў у бюджэт і поўнасцю спагнаць запазычанасць мінулых гадоў. Больш чым у папярэднім годзе забяспечана паступленне падатку на прыбытак, дасягнуты рост паступленняў пры спрошчанай сістэме падаткаабкладання, а таксама плацяжоў ад індывідуальных прадпрымальнікаў. Акрамя таго, павышаны якасць і эфектыўнасць кантрольных мерапрыемстваў і выкананы шэраг іншых паказчыкаў.
Па выніках аператыўна-службовай дзейнасці ў 2011 годзе лепшым участковым інспектарам Мінскай вобласці прызнаны капітан міліцыі Андрэй Трублоўскі – участковы інспектар Блеўчыцкага сельскага Савета Капыльскага раёна.
