16 лютага, Капыль /Уласн. iнф./Чарговы дзень жывёлавода адбыўся ў сельгасарганізацыях раёна. Спецыялісты аддзела ідэалагічнай работы райвыканкама разам з адказными ад райсельгасхарчу, намеснікам дырэктара ААТ “Капыльскі райаграсэрвіс” Анжэлай Канончык, спецыялістамі сельгасфіліяла “Браткава” і ўдзельнікамі аўтаклуба РЦК наведалі цэнтральную малочнатаварную ферму гаспадаркі.Ферма з’яўляецца ў гаспадарцы лідарам. На ёй сканцэнтравана найбольшае пагалоўе. Па выніках мінулага года на ферме выканана даведзенае заданне па вырошчванні маладняку. Сярод лідараў Іван Станевіч, Міхаіл Стралец, Леанід Кашуба. Ім былі ўручаны падзякі-маланкі ад імя старшыні райвыканкама. А лепшымі сярод аператараў машыннага даення названы Вера Казак з МТФ “Заракаўцы”, Людміла Паплаўская з МТФ “Браткава” і Тамара Кашуба з МТФ “Дзягцяныя”. Галоўны эканаміст пазнаёміла з задачамі на 2012 год і ўмовамі аплаты працы. Жывёлаводы таксама змаглі падзяліцца набалелымі праблемамі. Дырэктар аўтаклуба РЦК Андрэй Загорскі падарыў прысутным музычныя падарункі, а кіраўнік гуртка Браткаўскага СДК Марына Бурак прачытала байкі. У ААТ “Піянер-Агра” была наведана МТФ “Ванелевічы”. Намеснік дырэктара Ганна Бахта падвяла вынікі работы за мінулы месяц і павіншавала лідараў Таццяну Ясючэню, Наталлю Лапотка і Тамару Задруцкую. Да віншаванняў далучыліся супрацоўнікі Ванелевіцкага СДК, мясцовай бібліятэкі і аўтаклуба.
