1 сакавіка, Капыль /Уласн. iнф./Добрыя весткі прыйшлі днямі на Капыльшчыну. На рэспубліканскай спартакіядзе спецыялізаваных вучэбна-спартыўных устаноў прафсаюзаў па лыжных гонках сярод юнакоў і дзяўчат 1996–1999 г. н., якая праходзіла ў пас. Ждановічы Мінскага раёна, выхаванец Капыльскай ДЮСШ РК прафсаюза работнікаў АПК Дзмітрый Трыгубовіч на дыстанцыі 5 км класічным стылем стаў абсалютным пераможцам спаборніцтваў.
Каманда Капыльскай РАС ДТСААФ у складзе Анатоля Рымашэўскага, Яўгена Місючэнкі і Жанны Кандрацені ўпэўнена перамагла многіх сапернікаў і заняла пачэснае трэцяе месца на чэмпіянаце г. Мінска і Мінскай вобласці па кулявой стральбе з пнеўматычнай вінтоўкі. Рыхтаваў каманду трэнер-выкладчык Аляксандр Браніслававіч Камароўскі.
