15сакавіка, Капыль /Уласн. iнф./Днямі адбылося мерапрыемства, прысвечанае 85-годдзю стварэння Добраахвотнага таварыства садзейнічання арміі, авіяцыі і флоту Рэспублікі Беларусь. На ўрачыстасць, што праходзіла ў актавай зале сярэдняй школы №2, прыйшлі прадстаўнікі раённай улады, прадпрыемстваў, устаноў і арганізацый, якія з’яўляюцца актыўнымі ўдзельнікамі разнастайных спартыўных, творчых, патрыятычных мерапрыемстваў. Пра дзейнасць дзяржаўна-грамадскага аб’яднання за перыяд існавання прысутныя даведаліся з фільма, што дэманстраваўся ў пачатку сустрэчы. Па традыцыі, памятных падарункаў, дыпломаў, грамат, падзяк за актыўны ўдзел, садзейнічанне ў рабоце па патрыятычным выхаванні моладзі ад РАС ДТСААФ, раённага ваеннага камісарыята былі ўдастоены актывісты абароннага таварыства, спарт-смены – удзельнікі раённых і абласных спаборніцтваў. Падчас мерапрыемства таксама гучала шмат прыгожых песень у выкананні юных талентаў другой адзінаццацігодкі. Ва ўрачыстай абстаноўцы ветэраны Вялікай Айчыннай вайны ўручылі білеты новым членам ДТСААФ. Кожны год рады абароннага таварыства пашыраюцца, з’яўляюцца новыя задумкі, праекты, відовішчныя мерапрыемствы. Значыць яшчэ доўга ДТСААФ Рэспублікі Беларусь будзе надзейнай школай, мэта якой – служэнне Айчыне.
