20 сакавіка, Капыль /Уласн. iнф./Для паспяховага правядзення пасяўной кампаніі рашэннем райвыканкама створаны раённы штаб па кіраўніцтве вясенне-палявымі работамі, які ўзначаліў старшыня райвыканкама Анатоль Жданеня. У склад штаба ўвайшлі кіраўнікі служб, ад якіх залежыць не толькі ход кампаніі, але і здароўе, бяспека занятых на пасяўной, ідэалагічнае забеспячэнне. Кантроль па захаванні тэхналагічных патрабаванняў на сяўбе яравых пад ураджай 2012 года будуць ажыццяўляць чатыры тэхналагічныя групы. Так, начальнік раённай інспекцыі Дзяржтэхнагляду Валерый Прахарэня праверыць якасць работ у ААТ “Капыльскае”, “Ціміразеўскі”, “Піянер-Агра”, СГФ “Браткава”, “Руднае” і ф-ле “В. Раёўка”. Начальнік Капыльскага ф-ла “Мінскаблхімізацыя” Аляксандр Каляда і намеснік начальніка раённай інспекцыі па ахове раслін Віктар Лагодзіч будуць весці кантроль за якасцю ў ААТ “Старыца-Агра”, “Праснакі”, “Суворава-Агра”, ф-ле “Лакнея”, МАУП “Доктаравічы”, КСУП “Грозава-агра”. А вось такія гаспадаркі, як ААТ “Душава”, “Прагрэс 2010”, СГФ “Крыніца”, ДП “Лясное”, РСУП “Бабоўня”, РСУП “С “Прамень” знаходзяцца ў полі зроку начальніка аддзела эканомікі і тэхнічнага кантролю ўпраўлення райсельгасхарчу Аляксандра Кастрамічова і галоўнага інжынера па ахове працы, транспартнай і пажарнай бяспецы Міхаіла Валуевіча. Тэхналагічная група ў складзе начальніка раённай інспекцыі па насенняводстве, каранціне і ахове раслін Валянціны Кухарчык і галоўнага спецыяліста ўпраўлення райсельгасхарчу Андрэя Цвірко праверыць якасць пасяўной у ААТ “Скабін”, “Мажа-Агра”, “П-з “Дусаеўшчына”, “Малінава”, “Семежава” і ЗАТ “Жыліхава”.
