02 красавіка, Капыль /Уласн. iнф./У МАУП “Доктаравічы” аб’ектам для правядзення рэканструкцыі стала малочнатаварная ферма “Цэнтр-2”. Тут запланавана пераабсталяваць памяшканне, дзе вёўся адкорм быкоў, пад цэх сухастою і ўтрымання навацельных кароў. Ужо праведзены дэмантаж стойлавага абсталявання, карытаў для кармлення жывёлы, замест якіх з’явіцца кармавы стол. Сіламі работнікаў гаспадаркі ў памяшканні знята лішняе пакрыццё і падсыпка для таго, каб пераабсталяваць яго пад беспрывязное ўтрыманне жывёлы. У ААТ “Капыльскі райаграсэрвіс” зварылі добрыя жалезныя вароты і навесілі іх, застанецца толькі пафарбаваць. Як толькі дазволіць надвор’е, пачнуцца работы на даху, дзе плануецца ўстанавіць лісты празрыстага шыферу, каб палепшыць асветленасць памяшкання і мець магчымасць эканоміць электраэнергію, будзе абсталявана дадатковая вентыляцыя.Гаспадарка з бюджэту ўжо атрымала на закупку цэменту, металу, іншых матэрыялаў 224 млн рублёў, чакаецца паступленне яшчэ не менш за 100 мільёнаў. Будуць выкарыстоўвацца і ўласныя сродкі. Пачалі прыводзіць у належны стан Дом жывёлавода, што дазволіць значна палепшыць умовы работы працаўнікоў фермы.