04 красавіка, Капыль /Уласн. iнф./Згодна з распараджэннем старшыні райвыканкама на Капыльшчыне адбыўся раённы суботнік. За кожнай гарадской арганізацыяй замацаваны сельскія населеныя пункты, дзе вядуцца работы па прыбіранні старых сядзіб, спілоўванні дрэў, высечцы зарасніку. Некаторыя арганізацыі, не чакаючы выхадных, наведалі вёскі на тыдні. Пры падвядзенні вынікаў суботніка было адзначанаа, што 90% замацаваных выехалі на навядзенне парадку, астатнія ў сувязі з умовамі надвор’я перанеслі выкананне работ на іншы тэрмін. Найбольш спорна ішла праца на тэрыторыі Бабаўнянскага, Браткаўскага, Вялікараёўскага, Доктаравіцкага, Слабада-Кучынскага, Цімкавіцкага сельсаветаў. Дарэчы, за кожным з іх замацаваны па 2-3 арганізацыі. Работы хапіла ўсім, нягледзячы на тое, што дэлегацыі гараджан былі па 20-30 чалавек. Наступны суботнік – абласны – пройдзе 7 красавіка, падчас якога прадоўжыцца пачатае добраўпарадкаванне.