11 красавіка, Капыль /Уласн. iнф./Цалкам прытрымліваюцца гэтай народнай мудрасці ў ААТ “Семежава”. Неабходна ўвесь час рухацца наперад, выпрабоўваць новыя тэхналогіі, гатункі, мяняць тактыку работы, змяшчаць акцэнты. Вызначыўшыся, што такія культуры, як цукровыя буракі, рапс сёння даюць добры прыбытак, у сельгаспрадпрыемстве вырашылі павялічыць пад іх пасяўныя плошчы. Выкарыстоўваюць новыя сучасныя гатункі, якія ўжо добра зарэкамендавалі сябе. З мэтай мінімізацыі затрат ужо не адзін год прытрымліваюцца так званай нулявой тэхналогіі пры вырошчванні, напрыклад, кукурузы. Тым самым з тэхналагічнага працэсу выдаляецца такая аперацыя, як заворванне. Глеба апрацоўваецца толькі дыскатарам, затым вядзецца за-крыццё вільгаці, уносяцца мінеральныя ўгнаенні, і насенне трапляе ў зямлю. Эканомія энергарэсурсаў дасягаецца і пры выкарыстанні камбінаваных агрэгатаў. Сёлета, урэшце як і заўсёды, у гаспадарцы веснавыя палявыя работы вядуцца ў комплексе. Ужо завершана падкормка азімых збожжавых (пачыналі з участкаў, якія найгоршымі выйшлі з зімы), шматгадовых траў, на фінішнай стадыі работы па сілкаванні лугапашавых угоддзяў, апрацавана трэцяя частка азімага рапсу. Вялікая ўвага надаецца закрыццю вільгаці. На 435 гектарах ужо пасеяны яравыя збожжавыя і зернебабовыя культуры, што складае 58 % да запланаванага. У сяўбе задзейнічаны два агрэгаты: на трактары “Беларус-2522” з сеялкай “Бярэсце” працуе Аляксандр Скамароха, на “Джон Дзіры” з нямецкай сеялкай “ТerraDrill600” — Сяргей Гардзей. Праз некалькі дзён плануецца пачаць сяўбу цукровых буракоў, адладжаны два бульбасартавальныя пункты (адзін з якіх зусім новы), і хутка пачнецца пераборка бульбы.