16 красавіка, Капыль /Уласн. iнф./Адной з валаўтваральных гаспадарак раёна па вырошчванні збожжавых і збожжабабовых культур з’яўляецца ААТ «Ціміразеўскі” — тут сёлета будзе спець ураджай больш чым на 3500 га. Гэтай гарачай парой у сельгаспрадпрыемства завіталі старшыня раённага Савета дэпутатаў, старшыня раённай арганізацыі РГА “Белая Русь” Марыя Сандрозд, намеснік старшыні райвыканкама, намеснік старшыні раённай арганізацыі РГА “Белая Русь” Ала Раеўская, каб падзякаваць працаўнікам за шчырую працу. З цямна да цямна доўжыцца іх нялёгкі працоўны дзень. Таму часам добрае слова, сказанае чалавеку за старанныя адносіны на сваім участку работы, прымушае яго шчыраваць яшчэ лепш. Але ганаровыя госці дзякавалі за працу механізатарам не толькі словам. Падчас наведвання сельгаспрадпрыемства непадалёку ад в. Садавічы вялі сяўбу ячменю механізатар Уладзімір Холад і вадзіцель Міхаіл Барысевіч. Ад РГА “Белая Русь” перадавікі атрымалі падзякі і грашовыя прэміі, якія Марыя Сандрозд і Ала Раеўская разам з дырэктарам ААТ “Ціміразеўскі” Аляксандрам Турбанам і яго намеснікам па ідэалагічнай рабоце Галінай Бярозка ўручылі прама ў полі.