18 красавіка, Капыль /Уласн. iнф./Адбылося пашыранае пасяджэнне прэзідыума раённай арганізацыі рэспубліканскага грамадскага аб’яднання “Белая Русь” з запрашэннем усіх 59-ці старшынь пярвічных арганізацый. На парадак дня выносілася пытанне аб правядзенні справаздачна-выбарнай кампаніі ў арганізацыйных структурах. Сёлета “Белай Русі” спаўняецца пяць гадоў. Гэта самы час падвесці вынікі, намеціць задачы на перспектыву. У сваім выступленні старшыня раённай арганізацыі Марыя Сандрозд адзначыла, што грамадскае аб’яднанне развівалася, зроблена шмат добрых спраў. На пасяджэнні прынята рашэнне аб правядзенні ў красавіку — пачатку мая справаздачна-выбарных сходаў у пярвічках згодна з зацверджаным графікам, а таксама аб удзеле членаў арганізацыі ў акцыі “Белая Русь” упрыгожыць Беларусь”. Так, пярвічкі гарадскіх навучальных устаноў і райвыканкама будуць прыбіраць пойму ракі ў Капылі, а сельскія зоймуцца абустройствам месцаў баявой славы, сквераў, паркаў і г. д.
