2 мая, Капыль /Уласн. iнф./Прэзідэнт Беларусі Аляксандр Лукашэнка падпісаў Указ “Аб узнагароджанні дзяржаўнымі ўзнагародамі Рэспублікі Беларусь”. Прыемна, што сярод узнагароджаных і наш зямляк — загадчык, урач агульнай практыкі Старыцкай участковай бальніцы ўстановы аховы здароўя “Капыльская цэнтральная раённая бальніца” Барыс Касцюк, якому будзе ўручаны медаль “За працоўныя заслугі”. Такой жа ўзнагароды за шматгадовую плённую працу і дасягненне высокіх паказчыкаў у розных галінах жыццядзейнасці ўдастоены яшчэ два прадстаўнікі сталічнай вобласці. Гэта Ірына Баршчэўская, якая працуе ўрачом-тэрапеўтам у паліклініцы УАЗ “Клецкая цэнтральная раённая бальніца”, і галоўны ветэрынарны ўрач СВК “Агракамбінат “Сноў” Нясвіжскага раёна Яўгенія Туціна.
