З дыпломам І ступені прыехалі з фестывалю “Сымон-музыка” юныя музыканты Традыцыйнае свята ладзілася на Стаўбцоўшчыне, на зямлі беларускага песняра Якуба Коласа, ужо 23 раз і даўно стала адметнай з’явай у культурным жыцці краіны. У склад калектыву інструментальнай народнай музыкі Капыльскай дзіцячай школы мастацтваў, якім кіруе выкладчык Святлана Радзюкевіч, увайшлі Валерыя Лазарэвіч, Валерыя Кахановіч, Вераніка Дарашэвіч (цымбалы), Крысціна Кавалеў-ская, Надзея Няхайчык (акардэон), Уладзіслаў Гурло (ударныя) і Іван Філіпенка (бас-гітара). Канцэртмайстар — Марына Сельвановіч. На конкурс яны рыхтавалі два музычныя творы, і калі браць пад увагу вынік — справіліся са сваёй задачай проста цудоўна.
