29 мая, Капыль /Уласн. iнф./Месячнік Беларускага таварыства Чырвонага Крыжа “Першая дапамога ратуе жыцці” праходзіць на тэрыторыі раена. Валанцёры з гімназіі №1 г. Капыля разам са старшынёй раённай арганізацыі Нінай Жук правялі акцыю “Чырвоны Крыж на дапамогу людзям”. Падчас яе былі раздадзены наглядныя матэрыялы, якія прапагандуюць асноўныя прынцыпы таварыства Чырвонага Крыжа і Чырвонага Паўмесяца, здаровы лад жыцця, памяткі па засцярозе ад СНІДу і г. д. Таксама ў рамках акцыі ветэранам, інвалідам, малазабяспечаным сем’ям і адзінокім грамадзянам былі перададзены рэчавыя і харчовыя наборы.
