8 чэрвеня, Капыль /Уласн. iнф./У другі раз на плошчы Леніна ў Капылі 9 чэрвеня адбудецца агульнагарадскі выпускны баль. Доўгіх адзінаццаць гадоў крок за крокам набліжаліся гэтыя юнакі і дзяўчаты да самага хвалюючага і запамінальнага дня ў іх жыцці. Гэтае свята — толькі лёгкае і нядоўгае паслабленне паміж школьнымі іспытамі і далейшым паступленнем у вышэйшыя і сярэднія спецыяльныя ўстановы. Удзел у ім прымуць выпускнікі трох навучальных устаноў горада. Многія з юнакоў і дзяўчат на працягу 11 школьных гадоў праявілі сябе самастойнымі, самасвядомымі, рознабаковаразвітымі асобамі. Сярод іх – удзельнікі раённых, абласных, рэспубліканскіх прадметных алімпіяд, спартыўных спаборніцтваў, актывісты культурнага жыцця раёна, вобласці, мерапрыемстваў патрыятычнага выхавання. Выдатнікам вучобы будуць уручаны медалі, а спартсмены, удзельнікі ваенна-патрыятычных мерапрыемстваў, самадзейныя артысты атрымаюць граматы і памятныя падарункі. У гэты дзень адбудуцца выпускныя вечары ва ўсіх агльнаадукацыйных установах раена для 257 юнакоў і дзяўчат 11-х класаў , з іх 18 – атрымаюць залатыя медалі і памятныя сувеніры ад раеннага выканаўчага камітэта.