10 ліпеня Капыль /Уласн. iнф./У святочнай праграме, якая прайшла ў зоне адпачынку 3 ліпеня, прымалі ўдзел лепшыя народныя калектывы раёна — “Спадчына”, “Капыляне”, “Капыльскія дудары”, вакальны ансамбль РЦК пад кіраўніцтвам Таццяны Хілько, “Замкавая гара”, а таксама ўзорны аркестр дзіцячай школы мастацтваў пад кіраўніцтвам Льва Канапляніка, танцавальныя калектывы ДШМ і РЦК, эстрадныя выканаўцы розных узростаў падаравалі гледачам самы цудоўны настрой і радасць сустрэчы з творчасцю. Не менш запамінальным было і выступленне расійскіх артыстаў — узорнага тэатра танца “Каўчэг”, народнага калектыву — ансамбля рускай песні “Нікажэль” і салісткі культурна-творчага цэнтра “Дружба” Вольгі Шабанавай. Усе яны з’яўляюцца неаднаразовымі пераможцамі міжнародных і ўсерасійскіх конкурсаў-фестываляў. У другой палове дня госці з Чэхаўскага раёна парадавалі сваёй творчасцю жыхароў аг. Скабін, прапанаваўшы ім надзвычай цікавую і запамінальную канцэртную праграму. Выступленне расійскіх артыстаў праходзіла ў рамках візіту дэлегацыі горада-пабраціма г.Чэхава на чале з кіраўніком адміністрацыі Слабадзіным А.А. у раен.
