11 ліпеня Капыль /Уласн. iнф./Падышлі аптымальныя тэрміны ўборкі рапсу. На палях раёна працуюць дзясяткі збожжаўборачных машын, каб своечасова яго зжаць. Актыўна вядуць гэту работу такія сельгаспрад прыемствы, як ДП “Грозава-агра” (па стане на 11 ліпеня ўбрана 61%), СГФ “Крыніца” (40%), ААТ “Капыль скае” (27%), “Ціміразеўскі” (22%), “Мажа-Агра”(20%), РСУП “С “Прамень” (15,5%). У ААТ “Ціміразеўскі” пасевы важнай сельскагаспадарчай культуры другі год запар займаюць 800 га. Каб паскорыць паспяванне рапсу, у “Ціміразеўскім” выкарыстоўваюць дастаткова эфектыўны спосаб — прарэджванне. Фактычна, на палях “выстрыгаюць” палосы, што дазваляе паветру падсушваць культуру знізу. Нягледзячы на тое, што рапс — культура рэнтабельная, плошчы пад сяўбу ў гаспадарцы павялічваць не плануюць. Сёлета сельгаспрадпрыемству для выканання дзяржзаказу неабходна паставіць 800 тон на Слуцкі КХП. Яшчэ 400-500 т атрымае клецкі біярапспрадукт. І з рэалізацыяй астатняга ўраджаю гэтай культуры, упэўнены ў гаспадарцы, праблем не будзе.