30 ліпеня, Капыль /Уласн. iнф./Галоўным пытаннем, якое знаходзіцца цяпер пад пільнай увагай не толькі кіраўніцтва Капыльшчыны, але і раённай грамадскай арганізацыі “Белая Русь”, з’яўляецца ўборачная. Працавітым людзям, што шчыруюць на палях, збожжасушыльных комплексах, транспарце, асабліва патрабуюцца сілы і маральная падтрымка, каб адваяваць у гарачага надвор’я спелы ўраджай збожжавых. Старшыня раённай арганізацыі РГА “Белая Русь” Марыя Сандрозд разам з агітбрыгадай завітала ў ААТ “Піянер-Агра”, каб выказаць удзячнасць за стараннасць, якасць работы, і ўручыць падарункі ад грамадскага аб’яднання. Па тэмпах уборкі, ураджайнасці гаспадарка штогод знаходзіцца ў ліку лідараў. Галоўны спецыяліст аддзела ідэалагічнай работы Ларыса Юха пад крэсліла, што і сёлета хлебаробы трымаюць сваю марку. Добрую песню падарылі аграрыям работнікі раённага Цэнтра культуры.