6 жніўня, Капыль /Уласн. iнф./ У ААТ “Піянер-Агра” будуецца новая малочнатаварная ферма на 600 галоў, якая павінна ўступіць у строй у верасні—пачатку кастрычніка. Тут будзе два кароўнікі з утрыманнем па 370 галоў у кожным (акрамя дойнага статка там будуць знаходзіцца сухастойныя каровы) і малочна-даільны блок з сучаснай даільнай залай вытворчасці “Унібокс”. Будаўніцтва вядзецца за крэдытныя сродкі (40 млрд рублёў), ужо 24 млрд рублёў пералічаны на рахунак генеральнага падрадчыка, у ролі якога выступае прыватнае прадпрыемства “Тэхбокс” . Практычна на кожным аб’екце працуюць брыгады, якія займаюцца пэўнымі відамі работ: дахам, укладкай бетону, падводам камунікацый (вады, каналізацыі) і г.д. Паралельна вядуцца работы па рэканструкцыі МТФ “Ванелевічы”, дзе ўжо асвоена 1 млрд рублёў (з іх 700 млн руб. – уласныя). Па матэрыялах раеннай газеты “Слава працы”.
