8 жніўня, Капыль /Уласн. iнф./Капыльскія хлебаробы лідзіруюць па намалоце збожжа ў Мінскай вобласці. Усяго 10 дзён спатрэбілася хлебаробам раёна, каб намалаціць 100 тысяч тон збожжа. Ужо па стане на 1 жніўня яны першыя ў вобласці мелі такі рэзультат. З чым і павіншаваў старшыня Мінскага абласнога выканаўчага камітэта Барыс Батура. Зараз сельгаспрадпрыемствамі Капыльшчыны намалочана ўжо каля 150 тысяч тон пры ўраджайнасці 45,2 ц/га. Гэта лепшы паказчык у вобласці. Тэмпы не зніжаюцца. ААТ «Скабін», «Піянер-Агра» першымі ў раене завяршылі уборку збожжавых і зернебабовых культур, атрымаўшы ураджайнасць 62,1 і 57,6 ц/га адпаведна. 66 збожжаўборачных экіпажаў сельгаспрадпрыемстваў раена намалацілі звыш 1000 тон збожжа новага ўраджаю.