8 жніўня, Капыль /Уласн. iнф./ На Дошку гонару, якая знаходзіцца на інтэрнэт-партале «Моладзь Міншчыны», занесены прадстаўнікі і нашага раёна. Гэта экіпаж камбайна КЗС-1218 у складзе Аляксандра Грынкевіча і Аляксандра Паўлюшчыка з ААТ “Скабін” . Яны прызнаны адным з лепшых маладзёжных экіпажаў у раёне, намалацілі 1347,9 тоны збожжа з 217 га. На сёння ў гаспадарцы закончылася ўборачная кампанія. Прыемна, што на абласным узроўні можна ўбачыць землякоў, прозвішчы якіх змешчаны на маладзёжнай Дошцы гонару Мінскай вобласці. Традыцыйная абласная акцыя стартавала з 6 жніўня 2012 г. Маладзёжныя экіпажы Капыльшчыны з поспехам вядуць уборку: 10 з іх намалацілі ўжо звыш тысячы тон зерня, а 5 вадзіцеляў перавезлі больш тысячы тонн збажыны. Усе яны з гэтай нагоды атрымалі падзячныя пісьмы старшыні райвыканкама, віншаванні першага сакратара РК ГА “БРСМ”, вымпелы за працоўную перамогу.
