21 жніўня, Капыль /Уласн. iнф./У ААТ “Капыльскае” ў маі бягучага года распачата будаўніцтва малочнатаварнай фермы ў в. Комсічы, дзе генеральным падрадчыкам выступае прыватнае прадпрыемства “Тэхбокс”. Новая МТФ разлічана на ўтрыманне 600 галоў дойнага статка. На аб’екце ўжо ўзведзены сцены будынка даільна-малочнага блока, фермы, на якой накрыты дах, цяпер вядуцца падрыхтоўчыя работы для бетанавання падлогі. Каб забяспечыць гэты комплекс вадой, прабураны дзве артсвідравіны, якія ўжо фактычна гатовы для эксплуатацыі. Ідуць апошнія работы на трансфарматарнай падстанцыі, дзе праведзена афарбоўка сцен, устаноўка і падключэнне неабходнага абсталявання. Длях вырашэння ўзнікаючых праблем кожны аўторак кіраўніцтва раёна, дырэктар і спецыялісты ААТ “Капыльскае”, іншыя зацікаўленыя арганізацыі, прадпрыемствы збіраюцца на планёрцы, што праходзіць прама на аб’екце, абмяркоўваюць кола пытанняў, над вырашэннем якіх неабходна працаваць у бліжэйшы час.