7 верасня, Капыль /Уласн. iнф./Гаспадаркі Капыльшчыны распачалі ўборку цукровых буракоў. Гэта культура ўжо ўбрана на 449га, накапана 13799 т, сярэдняя ўраджайнасць – 307,3 ц/га. Пакуль што самыя ўрадлівыя палеткі ў ААТ «Капыльскае», дзе атрымліваюць па 370 ц/га. У раёне выцераблена 490 га льну, з іх 250 га - на землях, арандаваных Нясвіжскім ільнозаводам, 140 га - Слуцкім ільнозаводам, 100 га - у ААТ «Скабін». Восем сельгаспрадпрыемстваў, якія займаюцца вырошчваннем грачыхі, закончылі ўборку гэтай культуры. Усяго ж у раёне ўжо ўбрана яна на 411 га (87,3% да плана), намалочана 572 т, сярэдняя ўраджайнасць – 13,9 ц/га. Звыш 20 ц/га атрымалі ў ААТ «Праснакі» і «Капыльскае». Бульба ўбрана на 199 га, што складае 17,9% ад неабходных плошчаў. Накапана 5034 т пры сярэдняй ураджайнасці 253 ц/га. Як і ў папярэднія гады, найбольш ураджайныя палеткі другога хлеба ў ААТ «Старыца-Агра» (301 ц/га) і «Скабін» (275 ц/га).