18 верасня, Капыль /Уласн. iнф./У райвыканкаме падпісана распараджэнне аб арганізацыі работы “Маладзёжнага перасоўнага шматпрофільнага цэнтра” з мэтай укаранення ў практыку інавацыйнай мадэлі па рэалізацыі дзяржаўнай маладзёжнай палітыкі ў сельскіх населеных пунктах. У склад рабочай групы ўвайшлі начальнік аддзела па справах моладзі райвыканкама Наталля Гарбацэвіч, першы сакратар РК ГА “БРСМ” Аляксей Загорцаў, дырэктар ДУ “Капыльскі тэрытарыяльны цэнтр сацыяльнага абслугоўвання насельніцтва” Святлана Маліноўская, начальнік аддзела адукацыі райвыканкама Аляксей Абросімаў, начальнік аддзела культуры райвыканкама Наталія Царкова. Згодна з планам адбыўся выезд у Вялікараёўскі сельсавет. У вёсцы Руднае прайшлі мерапрыемствы ў рамках работы “Мала дзёжнага перасоўнага шматпрофільнага цэнтра”. Былі арганізаваны кансультацыі спецыялістаў: псіхолага тэрытарыяльнага цэнтра сацыяльнага абслугоўвання насельніцтва, спецыяліста цэнтра банкаўскіх паслуг №609 ААТ “ААБ Беларусбанк, ўрача-тэрапеўта, працаваў цырульнік, адбыўся канцэрт, ппадрыхтаваны вучнямі УА “ДАСШ №2 г. Капыля” пад кіраўніцтвам выкладчыка музыкі Таццяны Ермаловіч. У гэты ж дзень валанцёрскі атрад з Капыльскага дзяржаўнага прафесійна-тэхнічнага каледжа актыўна займаўся ўборкай тэрыторыі помнікаў землякам і Герою Савецкага Саюза Ігнату Казлоўскаму.
