9 кастрычніка, Капыль /Уласн. iнф./Гаспадаркамі раёна ўбрана 84,4% бульбяных палеткаў. Накапана 26021,6 тоны пры сярэдняй ураджайнасці 278 ц/га. Рэалізавана 7888 тоны, у тым ліку каля 600 тон гораду Мінску. Ужо намалочана 9628 тоны кукурузнага зерня, сама болей — 3605 тон — у ААТ “Старыца-Агра”. На 94% палеткаў гэта культура ўбрана на сілас і зялёны корм — пры сярэдняй ураджайнасці 272,6 ц/га сабрана 216 тыс. тон зялёнай масы. Ідзе ўборка цукровых буракоў. З неабходных 5667 гектараў салодкія караняплоды выкапаны на 51% плошчаў. Самая высокая ўраджайнасць у ААТ Семежава — 490 ц/га, у “Піянер-Агра” — 446 ц/га, па 445 цэнтнераў з кожнага гектара атрымліваюць у ААТ “Старыца-Агра”, па 400 ц — у ААТ “Прагрэс 2010”. Сёлета на Капыльшчыне ўпершыню займаліся вырошчваннем такой культуры, як соя. Было пасеяна 330 га. Распачалі яе ўборку ААТ “Старыца-Агра” ,ААТ “Ціміразеўскі” і КСУП “С “Лясное”. Пры сярэдняй ураджайнасці 12,8 ц/га намалочана 234 тоны.
