18 кастрычніка, Капыль /Уласн. iнф./У пятніцу, 19 кастрычніка, у Капылі пройдзе навукова-практычная канферэнцыя “Капыль. Праблемы гісторыі горада і рэгіёна” (да 360-годдзя надання прывілея на магдэбургскае права Капылю). Падчас яе будзе разгледжана гісторыя гарадскога самакіравання ў Беларусі, гісторыя нашага раёна ў X – ХХ ст., культурная спадчына Капыльшчыны і іншыя пытанні. Арганізатарамі мерапрыемства выступаюць Інстытут гісторыі Нацыянальнай акадэміі навук Беларусі, Гродзенскі дзяржаўны ўніверсітэт імя Янкі Купалы і Капыльскі раённы выканаўчы камітэт.
