11 снежня, Капыль /Уласн. iнф./На базе Капыльскага раёна адбыўся абласны семінар-практыкум “Асноўныя падыходы і прынцыпы навучання дзяцей з умеранай і цяжкай інтэлектуальнай недастатковасцю”, арганізаваны ўпраўленнем адукацыі Мінаблвыканкама, ДУА “Мінскі абласны ЦКРНіР” сумесна з аддзелам адукацыі Капыльскага райвыканкама. У мерапрыемстве прынялі ўдзел намеснікі дырэктараў рэгіянальных цэнтраў карэкцыйна-развіваючага навучання і рэабілітацыі, дапаможных школ-інтэрнатаў, настаўнікі класаў другога аддзялення школ-інтэрнатаў. Да ўвагі ўдзельнікаў семінара быў прадстаўлены вопыт работы ДУА “ЦКРНіР Капыльскага раёна” і Капыльскай дапаможнай школы-інтэрната в. Калінаўка. Педагогі пазнаёміліся з гаспадарчай часткай ДУА “Капыльская дапаможная школа-інтэрнат”, а таксама з умовамі рэалізацыі праграмы “Самастойнае пражыванне”, якая дзейнічае тут ужо не першы год. Удзельнікі семінара-практыкума наведалі камфартабельныя дамы на тэрыторыі навучальнай установы, дзе праходзіць падрыхтоўка навучэнцаў да самастойнага жыцця.
