17 снежня, Капыль /Уласн. iнф./Аддзел культуры райвыканкама, аддзел па справах моладзі, райкам ГА “БРСМ” правялі раённы агляд-конкурс народнай творчасці сярод прадпрыемстваў, устаноў і арганізацый Капыльшчыны, які прайшоў у рамках раённага свята майстроў “Прыгажосць роднага краю”. Удзел у мерапрыемстве прынялі 40 маладых майстроў ва ўзросце ад 14 да 35 гадоў. На выставе, размешчанай у раённым Цэнтры культуры, шырока былі прадстаўлены такія віды творчасці, як вышыўка (у класічным разуменні), вышыўка бісерам, жывапіс, роспіс па шкле, фларыстыка, арыгамі, саломапляценне, разьба па дрэве і многае іншае. Маладыя творцы давалі майстар-класы, на вачах у публікі стваралі новыя работы. Невыпадкова кампетэнтнае журы ў складзе начальніка аддзела культуры Наталлі Царковай, дырэктара раённага краязнаўчага музея Валянціны Шураковай, дырэктара раённага Цэнтра традыцыйнай культуры Галіны Гурло, настаўніка дзіцячай школы мастацтваў Святланы Швайбовіч і начальніка аддзела па справах моладзі Наталлі Гарбацэвіч адзначылі дыпломамі і памятнымі падарункамі ўсіх удзельнікаў выставы.