26 снежня, Капыль /Уласн. iнф./Падведзены вынікі работы жывёлаводаў раёна за 11 месяцаў. Напрацягу апошніх месяцаў у раённым спаборніцтве сярод калектываў малочнатаварных фермаў раёна лідзіруюць жывёлаводы МТК “Быстрыца” ААТ “Ціміразеўскі”, які ўзначальвае Людміла Гардзей. І па выніках работы за 11 месяцаў бягучага года сітуацыя не змянілася: надоена па 7076 кг малака ад кожнай каровы, што на 1113 кг больш, чым летась. Больш за 7000 кг (а дакладней — 7047 кг) на рахунку МТФ “Свідзічы” ААТ “Старыца-Агра”, па 6998 кг атрымана ад кожнай каровы на МТФ “Чарнічнае” з гэтай жа гаспадаркі. Тры першыя месцы па выніках работы за студзень-лістапад 2012 года займаюць аператары машыннага даення з МТФ “Андросаўшчына” адкрытага акцыянернага таварыства “Старыца-Агра” Алена Гушчэня, Соф’я Клюйка і Наталля Коршук з рэзультатамі, адпаведна, 8516 кг, 8157 кг і 8108 кг малака ад адной каровы. Перавысіла васьмітысячны рубеж і Святлана Макарэня з МТК “Быстрыца” ААТ “Ціміразеўскі”.
