4 лютага, Капыль /Уласн. iнф./Роўна год таму ва УАЗ “Капыльская ЦРБ” быў закончаны рамонт першага і часткі другога паверхаў старога будынку паліклінікі. А ўжо сёлета, дзякуючы намаганням раённага кіраўніцтва, адміністрацыі ўстановы і падраднай будаўнічай арганізацыі ПМК-84 г. Слуцка, другі паверх поўнасцю набыў сучасны выгляд. Увогуле, на будаўнічыя работы патрачана больш за 600 млн рублёў.Старшыня Капыльскага райвыканкама Анатоль Жданеня, яго намеснік Ала Раеўская, галоўны ўрач УАЗ “Клінічны радзільны дом Мінскай вобласці” Пётр Масько ў суправаджэнні галоўнага ўрача УАЗ “Капыльская ЦРБ” Андрэя Каралько, медыцынскага персаналу змаглі ацаніць камфортныя ўмовы, створаныя як для пацыентаў, так і для ўрачоў. У сучасных кабінетах, абсталяваных новай мэбляй, цяпер вядуць прыём тэрапеўты, нарколаг, псіхіятр і кардыёлаг. У гэтым годзе запланавана закончыць рамонт і трэцяга паверха.
