Адзначаны дыпломамі пераможцы конкурсаў
Нядаўна падведзены вынікі абласнога фотаконкурсу “Міншчына вачамі маладых”, прысвечанага 75-годдзю Мінскай вобласці. Сярод работ, адзначаных журы, — чатыры фотаздымкі капылян, якія былі ўдастоены дыпломаў лаўрэатаў конкурсу.
Разам з дыпломамі маладыя фатографы прымалі і шчырыя віншаванні ад намесніка старшыні райвыканкама Алы Раеўскай у прысутнасці кіраўнікоў служб і арганізацый сацыяльнай сферы. У адрас вучняў Ганны Засімовіч, Галіны Чарнушэвіч, Яўгенію Мардасевіч, настаўніцы Святланы Разведчанкі гучалі словы ўдзячнасці за дастойнае прадстаўленне Капыльшчыны.
Таксама Ала Марксаўна ўшанавала пераможцаў абласнога конкурсу плакатаў “Здаровы квАРТал”. Дыпломы першай і трэцяй ступені атрымалі выхаванцы Дзіцячай школы мастацтваў, адпаведна, Валерыя Лобава і Хрысціна Марчанка, а Галіне Чарнушэвіч уручылі ўзнагароду за актыўны ўдзел у мерапрыемстве.