Заўтра ў нашым горадзе пройдзе ХХV лёгкаатлетычны прабег “Капыльскае кальцо”, прысвечаны Дню работнікаў фізічнай культуры і спорту
У рамках прабегу адбудзецца адкрыты чэмпіянат Мінскай вобласці па паўмарафоне (21,1 км) у 14 узроставых групах, а таксама забегі на дыстанцыі 11, 3 і 1 кіламетр. Лёгкаатлетычнае свята збярэ каля трохсот удзельнікаў з Капыльшчыны, г. Мінска, сталічнай і іншых абласцей рэспублікі. Пераможцы атрымаюць грашовыя прызы, медалі і граматы.
Пачатак спаборніцтва ў 10.30. Аргкамітэт запрашае аматараў бегу далучыцца да лёгкаатлетаў або падтрымаць удзельнікаў спартыўнага свята.
