У Капыльскім раёне па стане на 29 жніўня 30 экіпажаў (з іх тры маладзёжныя) намалацілі больш за тысячу тон збожжавых і рапсу, 33 вадзіцелі перавезлі звыш тысячы тон зерня. Самы высокі рэзультат у экіпажа з ААТ “Піянер-Агра” ў складзе Аляксандра Іваноўскага і Андрэя Харошкі — на іх рахунку 1832 тоны. У ліку тысячнікаў яшчэ чатыры экіпажы з гэтай жа гаспадаркі. Таксама пяць камбайнавых экіпажаў з тысячнымі намалотамі ў ААТ “Ціміразеўскі”, па чатыры — у ААТ “Скабін” і СГФ “Руднае”, па тры — у ф-ле “Лакнея” і ААТ “Старыца-Агра”, два — у ААТ “Суворава-Агра”, па адным — у ААТ “Прагрэс 2010”, “Семежава”, “Капыльскае” і КСУП “Доктаравічы”.
