У раённым Цэнтры культуры
адбыўся канцэрт Заслужанага калектыву Рэспублікі Беларусь Прэзідэнцкага
аркестра Рэспублікі Беларусь пад кіраўніцтвам Віктара Бабарыкіна.
Атрымаць асалоду ад жывой
музыкі ва ўстанову культуры прыйшлі людзі рознага ўзросту. У рэпертуары
Прэзідэнцкага аркестра не толькі класічная музыка, творы беларускіх
кампазітараў, але і эстрадныя кампазіцыі, апрацоўкі народных песень і джазавыя
замалёўкі.
Разам з аркестрам сваё
майстэрства дарылі саліст Нацыянальнага акадэмічнага Вялікага тэатра оперы і
балета, заслужаны артыст Рэспублікі Беларусь Уладзімір Громаў і салістка оперы,
лаўрэат міжнародных конкурсаў Алена Шведава.
Жывая сапраўдная музыка
дапамагла па-новаму пачуць і ацаніць знаёмыя шэдэўры. Дзякуючы віртуознасці
галоўнага дырыжора аркестра (ён жа і мастацкі кіраўнік) Віктара
Бабарыкіна асобныя гукі кожнага музычнага інструмента зліваліся ў адзіную
мелодыю. Выступленне Прэзідэнцкага аркестра стала для капылян сапраўдным
святам.
