На
тэрыторыі раёна працягваецца месячнік па навядзенні парадку на зямлі,
добраўпарадкаванні і азеляненні тэрыторый. Мы пацікавіліся ў прадстаўнікоў
некаторых падраздзяленняў, як ішлі работы на мінулым тыдні.
Алена
ОСТРЫКАВА, старшыня Цімкавіцкага сельвыканкама:
— Да пачатку зімы навокал трэба
навесці парадак, а таму работы па добраўпарадкаванні на тэрыторыі
сельсавета ідуць амаль штодня. Асаблівая ўвага надаецца вясковым могілкам.
Напрыклад, у мінулую пятніцу мы прыбіралі смецце ў Чарнагубаве і Цімкавічах,
быў арганізаваны суботнік, падчас якога фарбавалі новую жалезабетонную
агаро-джу (256 м), устаноўленую вакол могілак за сродкі, сабраныя жыхарамі
Вялікай Раёўкі. На панядзелак былі запланаваны работы на месцы пахаванняў у
Вясёлым. Там ужо спілавана 250 старых дрэў, вядзецца іх раскарчоўка, а пасля
могілкі таксама будуць агароджаны.
Вялікая работа чакае і ў в.
Богараўшчына — жылых дамоў там ужо няма, а вось старыя сады займаюць значную
плошчу. Таму плануецца іх выразаць і раскарчаваць (дапамогу акажа ф-л «В.
Раёўка»), а вызваленыя землі ўвесці ў сельгасабарот.
Не пакідаем без увагі і старыя
пустуючыя дамы. Прынамсі, з дапамогай ф-ла «Аўтапарк № 21» ААТ
«Мінскаблаўтатранс» зносім дом па вул. Нясвіжскай у аграгарадку Цімкавічы —
гэта ўжо трэці па ліку на гэтай вуліцы.
Пакуль не закончыўся лістапад,
няма магчымасці выграбаць апалае лісце, так што гэтыя работы яшчэ наперадзе. У
навядзенні парадку прымаюць актыўны ўдзел працаўнікі прадпрыемстваў,
арганізацый і ўстаноў, размешчаных на тэрыторыі сельсавета. Адгукаюцца на
прапанову папрацаваць разам і жыхары населеных пунктаў.
Аляксандр
ПАЛЯШЧУК, намеснік дырэктара КУП «Капыльская ЖКГ» па ідэалагічнай рабоце:
— У мінулую суботу працаўнікі
нашага прадпрыемства арганізавана выйшлі на работы па навядзенні парадку
як у гора-дзе, так і сельскіх населеных пунктах. Удзел у прыборцы ўзялі
280 чалавек. Працавалі на сваіх падведамасных тэрыторыях — ля кацельняў, на
каналізацыйна-помпавых станцыях, сартавалі другасныя матэрыяльныя рэсурсы.
Вялікая ўвага надавалася гарадскім скверам — мы зграбалі апалы ліст, іншыя
раслінныя рэшткі і вывозілі гэта смецце (было задзейнічана пяць адзінак
тэхнікі). Ішлі работы і на прыдамавых тэрыторыях. Брыгада лесасекаў з васьмі
чалавек прадоўжыла наводзіць парадак на гарадскіх могілках.
