Так
можна ахарактарызаваць сям’ю Аляксандра і Хрысціны Зяблавых (на здымку) з
аграгарадка Скабін.
А сапраўднымі сонейкамі ў іх
доме з’яўляюцца пяцёра дзяцей: пятнаццацігадовая Вікторыя, трынаццацігадовы
Віктар, шасці-гадовы Данііл, чатырохгадовы Мікалай і Максімка, якому ў
красавіку споўніцца годзік. Менавіта іх усмешкамі і цудоўным настроем
напаўняецца сямейны ачаг.
У Скабін Зяблавы пераехалі ў
2008 годзе з Казахстана, бо на той час там жыць у вёсцы было вельмі складана.
Аляксандр уладкаваўся ў мясцовую гаспадарку газаэлектразваршчыкам (пакуль па
стане здароўя не працуе), Хрысціна пайшла даіць кароў на МТФ «Перац».
— Прынялі ў Беларусі нас вельмі
цёпла, сельгаспрадпрыемства выдзеліла дом, толькі што пабудаваны ў аграгарадку
на вуліцы Сонечнай, — дзеліцца Хрысціна. — Радуе, што Беларусь — стабільная
краіна, мы жывём пад мірным небам. Мы вельмі хацелі пераехаць у сельскую
мясцовасць, бо самі родам з вёскі. Вельмі марым пра тое, што будзем трымаць
кароўку, пакуль завялі козачку. Вельмі зручна і тое, што побач з намі
знаходзіцца Капыль, блізка школа, дзіцячы сад, бальніца.
З нараджэннем пятага дзіцяці
сям’я Зяблавых атрымала права на сямейны капітал, які ўжо паспяхова аформіла.
— Шчасце — калі мы ўсе разам, —
прадаўжае Хрысціна. — Гэта і ёсць галоўны сямейны капітал. Усе хатнія справы мы
выконваем усёй сям’ёй, у кожнага свае абавязкі. Мы з мужам стараемся штосьці
рабіць, ствараць, пакуль дзеці пры нас. Цешымся і радуемся гэтым часам. І,
безумоўна, удзячны дзяржаве за падтрымку. А яшчэ ўпэўнена, што разам мы
пераадолеем усе праблемы і цяжкасці.
Сяргей
КОЗЕЛ
Фота
аўтара
«СП»