23
февраля — День защитников Отечества и Вооруженных Сил Республики Беларусь
Гэта
ўсенароднае свята з’яўляецца сімвалам глыбокай павагі да ўсіх пакаленняў
абаронцаў Айчыны і ўвасабляе непарыўную сувязь гераічнага мінулага і сучаснага.
У
свяшчэннай барацьбе з ворагам прыклад найвышэйшай доблесці, стойкасці і
самаадданай любові да Радзімы паказалі нашы землякі. Пётр Пятровіч Малевіч(на
здымку справа) абараняў Сталінград, вызваляў Беларусь і Польшчу.
Штурмаваў Берлін. Па ваеннай спецыяльнасці ён сапёр-падрыўнік, мінёр. Быў
тройчы паранены. Яго баявыя заслугі адзначаны ордэнамі і медалямі.
Леў Іванавіч Лепяціла з верасня
1943 года прымаў удзел у партызанскім руху ў складзе атрада імя Чапаева.
Узнагароджаны юбілейнымі медалямі.
Паважаныя
воіны, ветэраны вайны і Узброеных Сіл, жыхары Міншчыны!
Прыміце
самыя шчырыя віншаванні са знамянальным днём.
У свядомасці многіх пакаленняў
гэта светлае свята непарыўна звязана з ідэямі патрыятызму, самаадданым
служэннем Айчыне, вернасцю прысязе. З пачуццём вялікага гонару мы аддаём даніну
памяці воінам, якія перамаглі фашызм у Вялікай Айчыннай вайне, якія прайшлі
вайсковую службу, выконвалі воінскі абавязак там, куды пасылала іх Радзіма.
Верныя традыцыям бацькоў і дзядоў воіны Узброеных Сіл Рэспублікі Беларусь свята
захоўваюць мір на нашай зямлі, умацоўваюць абараназдольнасць краіны.
Жадаем вам, абаронцы Айчыны,
вашым сем’ям, родным і блізкім, усім жыхарам вобласці моцнага здароўя, шчасця,
дабрабыту, мірнага неба над галавой.
Мінскі
абласны выканаўчы камітэт
Мінскі
абласны Савет дэпутатаў
Паважаныя
жыхары Капыльшчыны!
Віншуем вас з Днём абаронцаў
Айчыны і Узброеных Сіл Рэспублікі Беларусь. Гэта свята не толькі тых людзей,
якія прысвяцілі сваё жыццё вайсковай справе, але і тых, хто мірнай, плённай
працай прымнажае нацыянальныя багацці краіны, умацоўвае яе абараназдольнасць.
У гэты дзень мы з асаблівым
пачуццём успамінаем усіх, хто аддаў жыццё за Радзіму ў гады Вялікай Айчыннай
вайны, абараняў свабоду і незалежнасць роднай зямлі.
У апошнія гады беларуская армія
становіцца ўсё больш мабільнай, прафесійнай і высокатэхналагічнай. Прыемна, што
служба ў радах Узброеных Сіл Рэспублікі Беларусь набывае павагу ў грамадстве.
У гэта свята жадаем вам міру,
згоды, поспехаў у справах, здароўя і дабрабыту.
Раённы
выканаўчы камітэт
Раённы
Савет дэпутатаў
«СП»
